VIGAN CITY – Ibilang ni Benjo Basas, Chairperson ti Teachers Dignity Coalition a panangsurot laeng ti Department of Education ti panangsuspenso dagiti dadduma a klase gapu iti nakaro a kinabara ti panawen.
Iti pannaki-uman ti Bombo Radyo Vigan ken ni Basas, kaaduan dagiti klase kadagiti pagadalan ket agingga laengen iti bigat ti iseserrek dagiti estudyante.
Malaksid dayta, pabor ken dakkel ti tulong na ti bilin a mabalin nga agisuot ti komportable a kawes dagiti mangisursuro ken ubbing tapno naprespresko ti riknada.
Kunana a baben ti panangi-adjust dagiti klase ti maaramidanda paylaeng iti agdama para iti pakalag-anan dagiti agad-adal ta numanpay mabalin nga agnayon ti electric fan kadagiti klasrum ket adda latta dagiti pagadalan a saanna a kabaelan nga agproduce.
VC- BENJO BASAS
Impasigurado ni Basas nga aramiden amin ti Deped dagiti nadumaduma a wagas a mangipaay ti pakabang-aran ti klase dagiti estudyante kagiddan iti panangisingasingda a saan kuman nga umabot iti bulan ti Abril ti serrek dagiti estudyante.
