--Ads--
Adalen ti Senado ti maysa kadagiti suggestion a suspensoen wenno isardeng iti sueldo ni Senator Bato dela Rosa.
Segun ken ni Senate President pro-tempore Ping Lacson, adda gakat a solusyon iti Senado no kasano nga iggaman ti kaso ni Dela Rosa manipod pay November 10, 2025 ket saanen a nagpakita iti Senado.
Kinuna ni Lacson a ti maysa a nairekomendar ket ipasardeng ti sueldo ni Sen. Bato ngem rumbeng a maadal pay a nalaing ta sakup dayta iti Civil Service Law ken posible a saan nga epektibo ti saan a panagpasueldo iti maysa a senador no awan iti naan-anay a pagbasaran.
Kinunana a mabalin a pagibasaran ti maaramid a solusyon iti kaso ni dela Rosa no adda maipila a reklamo kontra iti senador iti Ethics Committee.
-- ADVERTISEMENT --
