Manarimaan iti search and recovery operations iti bangkay ni American vlogger Elliot Onil Eastman iti agduduma a lugar idiay Sibuco, Zamboanga del Norte.
Ti addang ket kalpasan a kinumpirmaran ti Zamboanga Peninsula Police ti pannakatay ni Eastman idi rabii ti pannakadukotna iti pagtaenganda idiay Sitio Tungawan, Barangay Poblacion.
Segun ken ni Lt. Col. Ramoncelio Sawan nga spokesman iti Zamboanga Peninsula Police, impakaammo ti witness a namin-dua a napaltugan ni Eastman ket natay bayat ti panangiluganda iti motorized banca ket nakitana nga intinnagda ti bangkayna iti kabaybayan.
Ti nasao nga impormasyon a pannakatay ni Eastman ket naipakaammo laeng kalpasan iti uppat a pulo ket walo nga aldaw kalpasan ti pannakadukotna.
Saan nga insigida nga inruar ti Critical Investigation Management Task Group Eastman ti nasao nga impormasyon tapno saan a mariribok iti police operation kontra kadagiti kidnapper.
Nupay kasta ket napakaammoanen ti US embassy iti pannakatay ni Eastman.
Kabayatanna, inamin pay ti nakakita a naitapwak ti bangkay ni Eastman iti asideg ti kabaybayan idiay Barangay Labuan, Zamboanga City a kaasideg laeng nga ili ti Sibuco, nalatak dagiti dua a paset ti kabaybayan a napeggges ti ayos ti danum.
