Pinasingkedan ni President Ferdinand Marcos Jr. a gundawyen ni dati a Negros Oriental Rep. Arnolfo Teves Jr. a sangwen dagiti kaso a naipila kenkuana ita a nakasublin iti Pilipinas.
Dayta iti kinuna ti presidente kalpasan a naka-landing idiay Davao City ti Philippine Air Force plane a nagluganan ni Teves sakbay a naipan iti Villamor Air Base idiay Pasay City.
Pagyamanan ni Marcos iti pangngeddeng ti Timor Leste a panang-repatriate ken ni Teves.
Segun ken ni Marcos, isuna ti immuna a napakaammoan ti development ni Timor-Leste Prime Minister Xanana Gusmão bayat ti panagleppas iti 46th Association of Southeast Asian Nations Summit idiay Kuala Lumpur, Malaysia.
Impaganetgetna a saan a mapasamak iti pannakaiyawid ni Teves nu aan a gapu iti tulong da President José Ramos-Horta ken Prime Minister Gusmão.
Innayonna nga ammo ti amin a sumangsango ni Teves ti kaso a murder ken dadduma a krimen maipanggep ti pannakapapatay daydi gobernador a ni Roel Degamo idi 2023 ken dadduma pay a murder case idi 2019.
