VIGAN CITY – Namnamaen ni ACT Teachers Represetative France Castro nga agpokus iti agriculture ni President Ferdinand Marcos kagiddan iti panagbalinna pay laeng a secretary iti Department of Agriculture.
Segun ken ni Castro, rumbeng nga agsentro ni Marcos iti food stability and sustainability a mangted ti suportar kadagiti mannalon ta agricultural country iti pagilian isu a rumbeng a saantayo unay nga ag-imimport iti bagas, ikan ken dadduma pay nga agricultural products.
Nupay kasta ket positibo isuda para iti food stability iti pagilian iti administrasyon ni Marcos.
Nu iti biang iti edukasyon ket kalikagum ni Castro nga adda koma sinarita ni Marcos inaig iti panagtignay iti safety reopening inton Agosto para kadagiti agad-adal ken ti pannakanayon dagiti teaching ken non-teaching personnel.
Kabayatanna, kayatna a paneknekan ni Marcos a kabaelanna a patgan iti kayat ken kalikagum dagiti umili a saanda a kayat isuna kagiddan iti kampaniana a unity wenno panagkaykaysa dagiti amin a Pilipino.
