VIGAN CITY – Nagyaman ni Governor Ryan Singson iti Miss Universe Philippines gapu iti panangpilida iti Ilocos Sur a pagpasyaran dagiti kandidata.
Segun ken ni Gov. Singson, maragsakan isuna ta makitana nga agen-enjoy dagiti kandidata iti panagpasyarda iti probinsia ken dakkel a tulong iti panagbisitada para iti pagsayaatan iti ekonomia iti probinsia.
Manipod Holy Week ket immadu pay iti agpaspasyar iti Ilocos Sur ket namnamaenna a ti panagbisita dagiti kandidata ket maparegta pay ta apaman a makita iti intero a pagilian iti kinapintas iti probinsia ket maallukoyda met nga agpasyar.
Natalek ni Gov. Singson a dakkel iti tyansa a mangabak ni Miss Ilocos Sur Jewel Alexandria Palacat gapu iti kinatayag, kinapintas ken panagsansanaynan idi kallabes tapno masaganaan iti pageant.
Ni Jewel iti maikatlon a nakastrek para iti Miss Universe Philippines iti probinsia isu a namnamaenna a ti sumarsaruno pay a pageant ket agtultuloy iti suportar iti Ilocos Sur Provincial Government.
