VIGAN CITY – Impasigurado ni Gov. Jerry Singson nga ar-aramidenna amin nga addang tapno mapasayaat dagiti ospital iti probinsia nangruna dagiti kasapulan a pangtaming kadagiti pasyente.
Iti pannaki-uman ti Bombo Radyo Vigan ken ni Governor Singson, nakagatang manen ti Ilocos Sur Provincial Government iti nadumaduma nga equipment a maaramat dagiti doktor para iti dekalidad a panagserbida kadagiti pasyente iti ospital.
Segun kenkuana, ti kaudian a nagatang para ti Ilocos Sur Provincial Hospital – Gabriela Silang ket ti sangapulo a dialysis chair, maaramat para iti ultrasound ken x-ray, ken oxygen generating plant.
Inlawlawagna a ti oxygen generating plant ket saanen a kasapulan pay iti agaramat ti oxygen tank ta mismo a ti ospital iti nakakonektar iti oxygen pipe isu nga amin a kuarto a pagtalinaedan ti pasyente, emergency room, ward, private room, ken Intensive Care Unit ket konektadon iti nasao a planta.
Impasigurado pay ti gobernador a maaddaanto met iti oxygen generating plant iti dadduma pay nga ospital iti probinsia a kas iti ili ti Narvacan ken Tagudin.
VIDEO OF GOV. JERRY SINGSON
