Panangpapigsa iti Animal Welfare Act, idurduron ni Sen. Poe

Idurduron manen ni Sen. Grace Poe iti pannakapasa ti gakatna a mangpapigsa ti animal welfare law kas panangpatibker iti adbokasiyana para iti karbengan dagiti taraken.

Impannakkel ni Poe dagiti pribado a grupo ken tattao a timmulong para iti panangpasayaat iti sitwasyon dagiti taraken.

Segun ken ni Poe, agtultuloy iti panangilabanda iti karbengan dagiti taraken nga aso ken pusa kadua dagiti pet owner.

Nakipaset ni Poe idi kalman kadagiti padana nga animal welfare advocates iti maikadua nga anibersaryo iti Biyaya Animal Care idiay Mandaluyong City.

Ni Poe iti author ti Senate Bill No. 2458 a gagem a mapapigsa ti Animal Welfare Act.