Vigan City – Pagpanpanunotan pay laeng iti gobierno iti New Zealand no ibabada iti Alert Level 1 iti restrictions inton sumaruno a lawas kalpasan iti sangapulo ket dua nga aldaw nga awan iti naimaldit a kaso iti covid-19 iti nasao a pagilian.
Pinasingkedan ni Bombo International Correspondent Estella Shayne Quinto nga OFW iti New Zealand nga arigna normalen iti panagbiag iti agdama iti nasao a pagilian ngem kasapulan a suruten iti inyetnag ti Prime Minister inaig kadagiti restriction tapno maliklikan iti covid-19.
Nagbalin pay a kontrabersyal iti pannakababa iti restriction level gapu iti napasamak a panagprotesta inaig iti pannakatay ni George Floyd ta saanda a sinurot iti social distancing.
No pay kasta ket arigna awan iti naaramidan iti gobierno iti New Zealand iti dayta gapu iti butengda a makwestyunaran iti kredibilidad dagiti pannakabagi ti linteg.
