Panangpa-contempt iti contractor a ni Sarah Discaya, posible a mapasamak iti sumaruno a panagdengngeg

Ad-adalen ni Senate President pro-tempore Jinggoy Estrada ti panangipa-cite in contempt iti contractor a ni Sarah Discaya kadagiti sumaruno a panagdengngeg.

Diretsa a kinuna ni Estrada nga ulbod ni Discaya ken saan a consistent dagiti imbagbagana iti panagdengngeg ti Senate Blue Ribbon Committee.

Adda iggem nga impormasyon ni Estrada a mangipaay iti 40 percent advance kickback kadagiti opisial ti Department of Public Works and Highways.

Malaksid ken ni Estrada, mamati pay ni Senador Bato dela Rosa a dakkel ti tyansa nga agsalsalawasaw ni Discaya ta adu dagiti alanganin a dinakamatna iti panagdengngeg kangrunaan ti panangibagana a 23 tawennan iti construction industry ngem idi makita ti record na ket 2012 laeng a nangrugi.