Nagpanawagan ti Senate Committee on Games and Amusement ti nainget nga aksion kontra iti illegal online sabong, partikular kadagiti pisikal nga ‘studio’ wenno lugar a pakasay-sayangkatan ti streaming.
Pinasingkedan ni Senador Erwin Tulfo a nasken a bisitaen ken i-raid dagiti cockpit ken backyard setups kadagiti rehiyon kas ti Central Luzon, Cordillera, ken Calabarzon gapu iti agtultuloy nga operasion ti online platforms ken adda dagiti aktibo a filming hubs.
Dinakamat met ni Senador Raffy Tulfo a nasken a kamaten dagiti otoridad dagiti financier ken maipagarup a kingpin.
Kabayatanna, impakaammo ni Pagcor Chair Alejandro Tengco nga agtaltalinaed ti agdama nga Executive Order 9 a pinermaan ni Presidente Ferdinand Marcos Jr a mangiparit iti panangited ti lisensya para iti online sabong ken awan ti ahensia nga adda karbengan na nga ag-authorize ti operasion.
