VIGAN CITY – Natrauma, mabuteng a rumuar ken mabuteng nga agturong iti session iti narikna ni Sinait Vice Mayor Clifford Ines kalpasan iti panagsitar kenkuana ni dati a Sinait Mayor Glen Guzman iti uneg iti session hall iti nasao nga ili idi April 22.
Segun kenni Vice Mayor Ines, kas maysa nga opisyal iti nasao nga ili ket sinaludsodna kenni Guzman iti maipapan iti pondo inaig iti panagited iti tulong wenno relief goods kadagiti agindeg inaig iti covid-19 ket dita a tinagidakes ti dati a mayor ti nasao a banag.
Nagkigtot laengen ni Ines idi tinurong isuna ni Guzman kalpasan iti sessionda ket dita a binalibag ni Guzman iti lamisaan ken intudo-tudo na ni Ines ken pinagsasawanna iti nasasakit a sarita ta mapag-report iti Regional inaig iti pondo para iti covid-19.
Impalawag ti Bise Mayor a ti rumbeng a magastos ket ti 6.3 a milyon a pisos a calamity fund ta napagsasaritaanda pay a ti maited ket maysa a kaban iti tunggal bumalay ngem nasdaaw ta nagbaliwen ta dua pulo ket lima a kilo, bassit a relief ken innem nga itlog iti inwarasda kadagiti agindeg ket iti met naiteden ket iti Bayanihan a pondo nga inted iti national a banag a nagsaludsudanna.
