VIGAN CITY- Nagpanawagan ni Citizens Battle Against Corruption Party-list Rep. Eddie Villanueva iti baro nga agbalin nga Education Secretary a mangsukat ken ni Vice President Sara Duterte , a nasken a mai-display ti biblical “Ten Commandments” iti tunggal pagadalan iti intero a pagilian.
Segun ken ni Villanueva, ti pannakaipaskil ti Ten Commandments ket mangi-promote iti spiritual ken moral well-being dagiti agtutubo a Pilipino kas nailanad iti 1987 Constitution.
Inyunay-unay na a babaen iti panangisuro ti Ten Commandments kadagiti pagadalan, ket dummakel dagiti agtutubo nga agbuteng iti Dios, a maysa a kangrunaan a banag para iti natalged ken naballigi a kagimongan, ken maysa a wagas tapno mapabiag iti moral health ti pagilian.
Innayonna pay nga iti Ten Commandments ket saan laeng a narelihiosuan a prinsipio nga eksklusibo iti Christianity, ta agpadpada a binigbig dagiti Christians ken non-Christians ti universal applicability ti Decalogue a mang-mold ti kinasayaat dagiti umili.
Gapu dayta, mangipila ni Villanueva iti gakat a mang- institutionalize iti panangisuro ti Decalogue kadagiti pagadalan, a mangadaptar iti linteg idiay Louisiana, USA.
Ikarkararag na pay nga iraman daytoy iti baro nga Education Secretary iti Good Manners and Right Conduct subject ti K-12 curriculum.
