Mabalin a maksayan iti nasurok-kumurang P1.7 billion agingga P2.1 billion kada tawen ti pondo para iti Universal Health Care no agbalin a pribado ti Casino Filipino.
Iti salinong ti Universal Health Care Law, kagudwa iti remittance ti PAGCOR iti national treasury ket mapmapan iti Philhealth tapno pondoan ti serbisio a pang-salun-at.
No agbalin a pribado dagiti casino, agbalin laengen a regulator ti PAGCOR ken mangnamnamanto laengen kadagiti license fee, a segun kadagiti panagadal ket saan a makanay tapno mapunwan ti mapukpukaw a pondo.
Uray manamnama a makapastrek ti gobierno iti P30 billion agingga P50 billion manipud iti paglakwan dagiti casino, inlawlawag ti panagadal nga awan iti daytoy a gatad ti direkta a mapan iti UHC ta ti naituding a pondo para iti daytoy a banag ket manipud laeng iti gaming income.
