--Ads--
Suportado ti health ken child rights advocates ti panawagan ni Health Secretary Teodoro Herbosa nga ingato ti minimum age ti panaggatang ti vape ken tobacco products iti duapulo ket lima a tawen ken nayonan ti buwis iti nicotine products.
Segun ti Philippine Tobacco Control Coalition, masapul ti naing-inget a regulasion tapno maprotektaran dagiti agtutubo kontra iti nicotine addiction.
Dinakamat da a saan a natalged ti vaping kumpara iti tradisional a sigarilyo ken nangitunda ti umuna a rekord ti death iti pagilian nga adda pakainaigan na iti e-cigarette wenno vape.
Segun dagiti advocates, nasken nga unaen dagiti agpampanday linteg ti pampubliko a salun-at ken proteksion ti agtutubo ngem ti interes iti industriya.
-- ADVERTISEMENT --
