Ikonkonsiderar ti Department of Health (DOH) ti panangiparit iti “mukbang” wenno eating vlogs kalpasan ti pannakatay ti maysa a food content creator idiay Iligan gapu iti stroke.
Gapu dayta, nangiruar ni Health Secretary Teddy Herbosa iti public health warning kontra kadagiti mukbang videos.
Segun ken ni Herbosa a maibasar kadagiti panagadal, ti panagbuya kadagiti mukbang video ket mabalin nga agtungpal iti eating disorders wenno internet addiction.
No mapaneknekan a “mukbang” wenno overeating ti rason ti nakatayan ti Vlogger a ni Dongz Apatan, mangipaulog ti DOH ti panangiparit ti nasao a content.
Innayon pay ni Herbosa a maibilang a food pornography dagiti mukbang content ta iprompromote na iti unhealthy behavior kadagiti Pilipino, isu a kiniddawna ti DICT a pasardengen dagiti sites nga adda pakainaigan na ti “Mukbang” content.
