--Ads--
Idurduron ni Manila Second District Rep. Rolando Valeriano ti panangiparit ti amin a klase ti online gambling pakairamanan ti E-Sabong.
Iti House Bill No. 1455 nga impila ni Valeriano ket maibabawi iti Philippine Amusement and Gaming Corporation (PAGCOR) iti amin a lisensya ken permit nga inruarda iti agduduma nga online gambling.
Impaganetget ni Valeriano a nasaysayaat nga ipatungpal ti total prohibition iti online gambling ta saan nga epektibo ti panagpa-inget laeng ti regulasyon a mabalin a pakaisayangkatan gapu iti kabaroan a wagas.
Gapu dayta ket insingasing ni Valeriano iti gobierno nga agsapul iti baro a pagsapulan ta ti revenue manipod online gambling ket saan a mabalin nga ipada iti panangdadae ti biag ken masakbayan dagiti umili.
-- ADVERTISEMENT --
