Nagballaag ti health authorities iti publiko kontra iti mamin-ano a daras a panangpapudot iti nabati a taraon manipod New Year celebrations ta posible nga agresulta ti food poisoning.
Segun ken ni Dr. Rheuel Bobis iti DOH-CHD 1, maysa kadagiti kangrunaan a rason no apay a ma-food poison dagiti umili ket gapu iti madi a preparasyon ken pannakadadael dagiti taraon.
Kinunana a rumbeng nga idulin ti taraon iti ref iti tallo agingga uppat laeng nga aldaw ket nataltalged no ipan iti freezer tapno napapaut iti shelf life-na.
Nabalakadan pay ti publiko a saan a kanen ti taraon a sabalin iti angotna, raman wenno itsura ken liklikan nga ilemmeng iti room temperature.
Inlawlawag ti ahensya a saan a madlaw ti kontamido a taraon isu a masapul iti husto a panagidulin ken panagsagana iti kasayaatan a wagas tapno maliklikan ti food poisoning.
