--Ads--
VIGAN CITY- Patien ni Bayan Muna Partylist Rep. Carlos Isagani Zarate a ti panangipababa ti edad iti criminal liability ket pangtakkab ti gobierno kadagiti pagkurangan da isu a saan da a malapdan ti panagraira ti krimen ditoy pagilian.
Ti pannakiuman ti Bombo Radyo Vigan, kinuna ni Rep. Zarate nga imbes a tulungan ti gobierno dagiti ubbing a maar-aramat iti krimen ket maibilang dan a kriminal uray nu ti nakabasol ket dagiti nataengan a mangab-abuso kadakuada.
Para kenni Zarate, ti nainget ken patas a pannakaipatungpal kadagiti linteg ti mangsolbar ti panagraira ti krimen.
