Agsagsagana ti Land Transportation Franchising and Regulatory Board dagiti kasapulan a dokumento para iti panangipaay ti fuel subsidy iti tengnga ti manamnama nga agtultuloy a panagngato ti presio ti langis gapu iti tension idiay Middle East.
Segun ken ni LTFRB Chairman Vigor D. Mendoza II, makibinnulig da kadagiti transport operator tapno masigurado ti napardas a distribution ti tulong no umabot iti $80 kada bariles ti presio ti langis iti world market.
Masuk-sukisok payen ti listaan dagiti benepisyaryo tapno masigurado ti updated ken maliklikan iti problema ti panangipaay ti programa.
Kabayatanna, impaganetget met ni Department of Transportation Secretary Giovanni Lopez a nagilatang ti gobierno ti nasurok-kumurang P2.5 bilyon para iti fuel subsidy.
