Mangnamnama ti Department of Agriculture a makarugi manen dagiti mannalon a naapektaran iti bagyo ken habagat kagiddan ti panangipaayda kadakuada iti bin-I ken dadduma pay a tulong.
Segun ken ni DA Asec. Arnel de Mesa, dagiti mannalon ti pagay ti napurwan kadagiti naglabas a bagyo.
Manipud iti tallo bilion a pisos a pukaw iti agrikultura gapu iti didigra, umabot iti P1.69 billion ti gatad a nadadael kadagiti mannalon ti pagay.
Gapu iti pannakaitantan manen ti panagimula iti pagay dagiti mannalon ket posible a katapusanton ti Nobiembre a makaapitda manipud iti dati a panagaapit a mangrugi iti maikadua a lawas ti bulan ti Setyembre agingga katapusan ti Oktubre.
Natalek ni De Mesa a nabusbuslon ti apit dagiti mannalon iti maikadua a cropping period ita a tawen ta awan ti La Niña.
