VIGAN CITY – Nagpalagip ni Vigan City councilor Hermenigildo “Boying” Apelin kadagiti akinkukua dagiti business establishment ditoy siudad a sakbay nga agipatakderda kadagiti negosyo da ket siguradwenda a nasurot da dagiti amin a requirement nangruna ti kaadda dagiti CCTV system.
Dayta ket kalpasan iti napasamak a robbery-hol-up ti maysa a convenience store idiay Brgy. San Julian Sur, Vigan City idi January 25.
Segun ken ni Apelin, masapul a no agipasa dagiti negosyante ti building permit iti City Engineering office ket masapul nga adda ti architectural plan ken nalawag iti disenyo kasta pay a maipakita nu pakaikabilan na dagiti CCTV a maimuntar.
Ingunam-gunam na a ti panangikabit kadagiti CCTV ket maysa kadagiti ordinansa iti syudad.
Inton Lunes, maisayangkat to manen iti panagpapatang da kadagiti pada na nga opisyal iti syudad tapnu mailawlawag no ania dagiti kasapulan a mapasayaat inaig ti nasao a banag.
