--Ads--
Idurduron dagiti sumagmamano a kongresista iti House of Representatives a maisardeng ti pannakaipataw ti Value Added Tax iti koriente tapno maibaba ti singir kadagiti konsyumer.
Nakaipalaon daytoy iti House Bill No 4926 nga impila da Rep. Jude Acidre, Yedda Marie Romualdez, Andrew Julian Romualdez, ken dati a House Speaker Martin Romualdez.
Amyendaran ti gakat ti National Internal Revenue Code tapno mailaksid iti VAT ti panaglakoan iti koriente ti generation, transmission, ken distribution companies, agraman dagiti electric cooperatives.
Punto ti gakat a ti panangipataw iti VAT iti kada pagteng ti power supply chain ket agresulta iti “compound tax costs” a bakbaklayen dagiti konsyumer.
-- ADVERTISEMENT --
