Plano ti Department of Health (DOH) nga ideklarar ti national public emergency gapu ti kaso ti human immunodeficiency virus infections.
Segun ken ni DOH Secretary Ted Herbosa, umaboten iti limagasut a porsiento ti panagpangato ti HIV infections kadagiti agtawen iti sangapulo ket lima agingga duapulo ket lima.
Makapaalarma gapu ta ti kaubingan a nairekord ket agtawen iti sangapulo ket dua a babai manipod Palawan ket ti pannakinaig iti rasonna.
Innayonna a ti Pilipinas iti kangatoan a kaso iti Western Pacific Region ngem ti makapadanag ket kaaddoan kadagiti biktima ket dagiti agtutubo.
Nagballaag ti secretary a nu awan iti aramiden nga addang iti gobierno ket posible nga umabot iti 400,000 a kaso iti intero a pagilian.
Maysa kadagiti makitkita iti DOH nu apay nga immado ti bilang ti kaso iti HIV ket gapu iti panagaramat ti social media ken dagiti dating apps.
