Impila ni Albay Rep. Joey Salceda ti House resolution idiay Kamara a mangiduron ti pannakaideklarar ti 2024 agingga 2030 a climate and disaster emergency.
Iti House Resolution 2105 nga impila ni Salceda, naibaga ti naglabas a bagyo pakairamanan ti Bagyo Kristine ken Leon a nagresulta iti pannakatay iti sangagasut innem a pulo ket dua a tattao, duapulo ket dua a mapukpukaw ken umabot iti P10.56 billion iti nadamage iti infrastructure ken P7.04 billion iti agriculture sector.
Ti Typhoon Nika, Ofel ken Pepito ket P469.8 million iti nadadael iti imprastraktura, P8.64 million iti agrikultura ken naapektaran iti 1.8 million nga umili iti tallopulo ket uppat a probinsia.
Nakaipauneg pay iti gakat ti pannakayetnag ti Disaster and Climate Emergency Fund ta P1 billion ti makidkiddaw a budget para inton 2025 a nakapokus iti climate-resilient programs ken disaster recovery initiatives.
Innayon ni Salceda nga inton agbalin a linteg ti gakat ket bilinen ti Kongreso nga agipasa kadagiti gakat nga agtignay iti climate-focused strategies iti Philippine Development Plan.
