Impasigurado ni Presidente Ferdinand Marcos Jr. nga agiyendorso isuna ti maysa a kandidato para iti 2028 presidential elections, ngem nasapa pay unay tapno inaganan na daytoy gapu ta adu pay ti mabalin a mapasamak iti politika.
Inlawlawag ni presidente Marcos nga awan pay ti pormal a nakapatang na iti sinuman a politiko maipapan iti tumaray iti panagka-presidente.
Suportaran ni Marcos ti kandidato iti 2028 presidential elections a mangituloy kadagiti addang ti administrasion na kontra iti korapsion.
Saanna a kitkitaen ti kampania kontra korapsion kas wagas tapno targeten dagiti kaalyado ti bise presidente.
Kunana a ti pananglaban iti korapsion ket kasapulan a maituloy uray agleppas ti terminona.
Iti agdama, kitkitaen ti partido na, ti Partido Federal ng Pilipinas dagiti posible nga alyansa iti sabali pay a political parties.
