Impaganetget ti Office of the Ombudsman nga agtultuloy ti imbestigasionda ken ni dati a House Speaker Martin Romualdez uray no imbabawi ni dati a Marine personnel Orly Guteza ti immuna a testimoniana.
Segun iti Ombudsman, adda 28 a testigo a nakasagana a mangted iti direkta ken material nga impormasion maipanggep kadagiti transaksion a maim-imbestigaran.
Kunana a saan a nakadepende ti kaso iti maymaysa a testigo ken gagangay laeng ti recantation kadagiti high-profile a kaso.
Kabayatanna, imbabawi ni Guteza ti alegasionna iti panangipatulod iti maleta a napunno iti kuarta ken ni Romualdez ken inakusaranna da Sen. Rodante Marcoleta ken dati a Rep. Mike Defensor a karaman iti panangbukel iti Estoria kontra iti dati nga speaker.
Impaganetget ti Ombudsman nga agtultuloy ti imbestigasion ken nagballaagda kontra iti asino man a lapped iti proceedings.
