--Ads--
Ad-adalen ti Land Transportation Office ti posibilidad a kasapulan ti driver’s license para kadagiti agimanmaneho iti dua wenno tallo a pilidna nga electric vehicles.
Segun ken ni LTO Chief Markus Lacanilao, isyu daytoy iti kinatalged nangruna no dagiti e-trike ken e-bike ket maar-aramat kadagiti major thoroughfares.
Mapapati nga adu kadagiti drayber ti awan lisensiana ken saan a nakarehistro iti LTO, isu nga awan ti insurance ti lugan.
Saan pay a makaala iti kompensasyon ti pasahero wenno dadduma nga apektado a partido no adda mapasamak nga aksidente.
-- ADVERTISEMENT --
Mangiruar ti Department of Transportation iti memorandum circular tapno mailawlawag no asino ti nasken nga adda lisensiana ken ania dagiti unit a masapul a mairehistro.
