VIGAN CITY – Napintas a sagut para kadagiti Persons Deprived of Liberty iti Ilocos Sur Provincial Jail ta naipalubos iti panagbisita dagiti ay-ayatenda iti biag kagiddan ti Valentine’s Day.
Iti pannakipapatang ti Bombo Radyo Vigan ken ni Provincial Jail Warden Raymond Tabios, nailukat iti provincial jail para kadagiti asawa, live-in partner ken nobyo wenno nobya dagiti PDL ita nga aldaw iti oras iti alas dies iti bigat agingga iti alas kuatro iti malem.
Segun ken ni Tabios, kinasapulan nga impakita dagiti bimmisita iti vaccination card da tapno masiguradoda a nabakunaanda kontra covid-19 ken intugotda iti pammaneknek nga adda iti relasyonda iti bisitaenda.
Pinasingkedanna nga aniaman dagiti pagannurotan ket nagtalinaed a nasurot tapno maliklikan ti pannakaiserrek dagiti kontrabando iti lugar.
VOICE CLIP OF JAIL WARDEN RAYMOND TABIOS
