Impatungpal ti maysa a barangay idiay Sinait iti nainget a panangsurot iti Anti-Epal Policy kasaruno iti panangipaganetget manen ti Department of the Interior and Local Government (DILG) iti nasao a polisiya babaen ti panangiyulogda iti Memorandum Circular No. 2026-006.
Iti pannaki-uman ti Bombo Radyo Vigan ken ni DILG Provincial Director Randy dela Rosa, ti nasao nga addang ket gapu iti nainget a panangsurot iti polisya nga insigida a panangikkat iti nagan, imahe wenno retrato ken logo iti siasinoman a public officials manipod iti amin a government-funded projects, programs, activities, and properties.
Segun ken ni dela Rosa, nabayagen ti nasao a polisiya ngem itultuloy laeng iti ahensya a mangipaganetget tapno iti kabiitan a panawen ket suroten dagiti maseknan.
Inlawlawagna a dagiti saan a mangtungpal ket mabalin a makasoan iti administratibo wenno kriminal.
