VIGAN CITY- Kiddaw ni Mayor Bonito Singson kadagiti agtagilako ti ikan iti Vigan Public Market nga aganos iti agdama a sitwasyon bayat a manarimaan paylaeng ti pannakasimpa wenno pannaka-renovate ti tiendaan kalpasan a naidanon kenkuana ti aru-ngaing dagiti aglaklako a bimmassit ti pastrekda sipud naipanda iti baba.
Iti pannakiuman ti Bombo Radyo Vigan kenni Mayor Singson, impasigurado na iti dardaras a pannakaleppas dagiti sumaruno a module ta kapatang nanto ti kontraktor nga agnayon ti tao ken pagbalinen a 24/7 ti panagtrabaho kasta pay nga innayonna a nu ania iti immalisanda a puesto ket isunto metlaeng iti puestoda nga agsubli
Malaksid dayta, inpakaammo ni Mayor Singson a maad-adal iti agdama ti pannakaextend ti tiendaan iti amianan a paset para iti adado a pagyanan dagiti aglako
VC- MAYOR BONITO SINGSON
