VIGAN CITY – Dukduktalen ti Provincial Government of Ilocos Sur iti adda ti likodan ti nagaramid ti post nga agwarwaras iti social media inaig iti mapapati a DRRM training wenno workshop nga adda iti nakaipan a logo iti probinsia para iti nasao nga aktibidad.
Maibasar ti pakaammo, ti panagaramat iti official seal iti Provincial Government ket “unauthorized” isu a nabagaan ti publiko nga awan iti maisayangkat a DRRM training wenno workshop a nai-coordinate wenno co-sponsored iti PGIS.
Naallukoy ti publiko nga agannad iti tignayda ken panagaramat ti social media tapno saan nga agresulta iti pannakatikaw, pannakauyaw ken saan a nakapappapati kasta payen a tapno maliklikan ti aniaman a fake news.
Nupay kasta, nasaysayaat nu amin a DRRM trainings wenno workshop ket maisayangkat babaen ti private entities ken organizations iti Ilocos Sur a naikammayet iti Office of the Governor iti salinong ti PDRRM tapno makasagana ti komunidad para iti nakaituding nga aktibidad ken maliklikan ti aniaman nga insidente.
