Impila ni Senate Majority Leader Juan Miguel Zubiri ti gakat a gagem nga i–reset ti kaunaan a parliamentary elections iti Bangsamoro Autonomous Region in Muslim Mindanao (BARMM) inton March 30, 2026.
Insingasing ti Senate Bill No. 1587 iti panag-amyendar ti Bangsamoro Organic Law (BOL) tapno ikkan palawag ti legal a pagbasaran iti eleksyon ken ituding ti panagtugi ti termino dagiti mabotosan nga opisyal inton April 30, 2026.
Segun ken ni Zubiri, nasurok innem a tawenen iti napalabas manipod naidatag ti BARMM ngem saan pay a nakabotos dagiti umili iti bukodda a lider, banag a baliktad iti gagem iti bukod a panagidaulo ken bukod a pangngeddeng iti rehiyon.
Innayonna a nagbalin a rason ti pannakadelay dagiti pangngeddeng iti Korte Suprema a nangikkat iti Sulu kas paset ti BARMM ken nangibasura iti 2025 redistricting law iti Bangsamoto Parliament a gappuanan iti kabaroan a panagsagana dagiti distrito ken istruktura iti eleksyon.
Iti salinong ti gakat, agtalinaed pay laeng ti Bangsamoro Transition Authority a temporaryo a gobierno agingga mabotosan ken agtugaw amin nga opisyal babaen ti automated election.
