Saan pay laeng a matuloy ita Abril ti plano a commercial release ti bakuna kontra African Swine Fever (ASF) nga aggapu idiay Vietnam.
Segun ken ni Department of Agriculture Spokesperson Assistant Secretary Arnel de Mesa, nakita ni Agriculture Secretary Francisco Tiu Laurel nga agkurang ti otas tapno ipatungpal ti commercial approval ti ASF vaccine ita Abril isu a nai-postpone inton Mayo.
Gagem ti commercial vaccination a mapadaras ti panagbangon ti local hog industry a bimmagsak gapu iti epekto ti ASF idi naudi a paset iti 2024.
Immunan nga impakaammo ni De Mesa a napintas iti nagbalin a resulta ti naisayangkat a government controlled vaccination kadagiti awan ti sakitna a baboy kadagiti high farms a nabigbig nga ASF hotspots.
Idi laeng March 14 ket tallopulo ket siam a barangay manipod duapulo ket pito nga ili ken siudad dagiti addaan ti aktibo a kaso ti ASF manipod innem a pulo ket innem a barangay iti nairekord iti maudi a paset ti Pebrero.
