VIGAN CITY – Namnamaen ni Bombo International News Correspondent Debby Degamo ti sumarsaruno nga aldaw ket agtudon idiay Ecuador kagiddan ti mapapasaranda a tikag wenno drought crisis.
Iti pannaki-uman ti Bombo Radyo Vigan ken ni Degamo, namnamaenna a marisot dagiti parikot ta maad-addaanda iti brown out gapu ta apektaranna daytan iti saan pay a panagtudo iti lugarda.
Segun kenkuana, ita a lawas ket dua nga oras laengen iti kada aldaw a mapasaranda iti brownout ta nu yarig idi kallabes ket umabot pay iti uppat nga oras.
Dayta ket gapu ta nagilako ti geothermal energy ti presidente iti Colombia iti Ecuador.
Nupay kasta, saan met a makaapektar dayta kadagiti agtrabtrabaho iti nasao a lugar ngem namnamaenna nga iti sumarsaruno nga aldaw ket matungpalen ti kalikagumda nga agtudon iti lugarda.
VIDEO OF BINC DEBBY DEGAMO