Insanud ti House Committee on Appropriations ti panagtratar ti 2-billion peso proposed budget iti Office of the Vice President para inton 2025 kasaruno iti panaglibak ni Vice President Sara Duterte a sungbatan nu kasano a naaramat ti pondo iti opisinana.
Nagmotion to defer ni Zambales Rep. Jeff Khonghun kalpasan a nadismaya iti namin-ano a daras a panagliklik ni Duterte kadagiti saludsod iti uneg iti lima nga oras a budget hearing.
Naipalubos ti mosyon nga awan ti panaglapped ken intuding ti panel ti budget deliberation inton September 10.
Bayat ti diskusyon iti disallowance ti P73 million a nagastos iti OVP iti confidential funds idi 2022 ket kiniddaw ni Duterte iti panel a sukatan ti presiding officer a ni Marikina Rep. Stella Quimbo a vice chairperson iti Komite.
Sinungbatan ni Quimbo ket kinunana a saan a mapalubosan ni Duterte nga agkiddaw iti aniaman a mosyon ta resource person laeng iti hearing.
