VIGAN CITY – Maikaniwas ti linteg nu ti maysa nga ubing ket agtrabtrabaho a makadadael ti edukasyon ken development-na.
Iti pannaki-uman ti Bombo Radyo Vigan ken ni Atty. Ronnie Rapanut, nakailanad ti Republic Act 9231 wenno Anti-Child Labor Law a masapul a salakniban dagiti ubbing manipod pannaka-abuso, pannakabaybay-a ken exploitation.
Segun ken ni Atty. Rapanut, amin nga agtawen iti sangapulo ket lima agpababa ket saan a mabalin nga agsapul ngem nu kadagiti simple a trabaho a kas panagtagibalay ket mabalin latta.
Kadagiti met agad-adal nga agtrabaho ket adda ti pagannurotan ti Department of Labor and Employment a duapulo nga oras laeng iti panagsapulda iti makalawas ket saan a mabalin a nasursurok iti uppat nga oras kada aldaw ti panagserbida.
Impaganetgetna a masapul a saan a maapektaran ti panagadal ti maysa nga ubing tapno saan a malabsing ti linteg.
VIDEO – ATTY. RONNIE RAPANUT
