VIGAN CITY – Natakaw ti water pump a nakaimuntar iti abay iti irrigation canal idiay Barangay Culiong, Salcedo.
Segun kenni Police Executive Master Sergeant Jaime Labitoria, officer-in-chargeti Salcedo Municipal Police Station, nagreport kadakuada ni Barangay Captain Judy Isidro ti nasao a barangay a mapukpukaw ti Kubota RK70 Diesel Water Pump ni Brgy.Kagawad Florante Mangay-ayam ti Brgy.Nagtabalaan, Sta.Lucia nga inbati na idiay Barangay Culiong.
Ti nasao a pagpadanom ket inted ti Federated Corn Farmers Association ti Sta.Lucia ket idi laeng agsapa idi July 31 a naduktalan ni Mangay-ayam a mapukpukaw.
Innayon ni Labitoria a maibasar iti imbestigasyon da ken panagsalsaludsud da kadagiti agindeg iti nasao a lugar, naamuan nga adda iti lugan a nagparking iti asideg iti irrigation canal ngem saan da a ninamnama nga adda iti dakes a panggep dagiti naglugan.
Ti agdama, makikinkinnammayet ti Salcedo PNP iti Sta.Lucia Municipal Police Station inaig iti nasao a pasamak tapnu nadar-daras iti pannakasolbar iti nasao a panagtakawan.
