--Ads--
VIGAN CITY- Imimbestigaran dagiti otoridad ti pakabigbigan ti suspek a nagtakaw iti uneg ti pagtaengan da Emmanuel Jimenez, agtawen ti lima pulo ket lima idiay Barangay Poblacion Este, Sta. Cruz idi parbangon ti Nobiembre baente singko.
Maibasar iti report, nakariing ti potot ti biktima a ni James Von Cudiamat Jimenez ket naduktalan na nga awanen ti cellphone na ken nakita na a nakalukat ti ruangan ti balay da ken ti maysa a tawa a saan a nakalock nga isu iti mapapati a simrekan ti suspek.
Inpakammo ni Von ken ti ama na ti napasamak ket naduktalan da a saan laeng a ti cellphone ti baro ti napukaw no di ket pati ti lima a piraso ti kwentas, maysa nga unit ti cellphone, Ipod ken lima ribo a pisos a kuarta.
