--Ads--
VIGAN CITY – Maysa a motor RK Kobota, pump ken dua a kuliglig ti natakaw idiay Barangay San Miguel, Bucay, Abra idi May 8.
Dagiti nasao nga alikamen ket kukua ni Alberto Baleros Pasos, agtawen ti lima pulo ket siam, maysa a mannalon iti nasao a lugar.
Mapan koma pakanen ni Pasos dagiti tarakenna a manok idin ta naduktalanna nga awanen iti pump nga aramatenna iti taltaon ken dagiti dua a pilid ti kuligligna isu nga insigida nga impakammona iti Bucay Municipal Police Station.
Kabayatanna, dukduktalen pay laeng dagiti pannakabagi ti linteg no siasino iti nangala dagiti nasao nga alikamen.
-- ADVERTISEMENT --
