--Ads--
Binilin ni Department of the Interior and Local Government (DILG) Secretary Jonvic Remulla dagiti polis nga agsuot ti body cameras iti panangsapul ti pugante a ni Atong Ang iti baet ti alegasyon a panagpasuksok a gappuanan ti panaglibasna.
Segun ken ni Remulla, liklikanda ti “hulidap” wenno extortion manipod ti suspek isu a rumbeng a nakasuot ti body cameras dagiti polis sakbay a mangisayangkat ti raid ta posible a masulisogda no adda makitada a kuarta.
In-example ni Remulla ti nakaru a koneksyon ken resources ni Ang a lapped iti insigida a pannakakemmegna.
Iti agdama, umabot iti innem a sanikua ni Ang iti ininspeksyon dagiti otoridad ngem saan a nasarakan ti naibilang a most wanted person iti pagilian.
-- ADVERTISEMENT --
