Awan iti parikot kadagiti agindeg idiay Turkey iti panangsukat iti nagan iti pagilianda ti “Turkiye” ta nailukaten sipud napalabas a tawen ti nasao nga isyu .
Iti pannakipapatang iti Bombo Radyo Vigan ken ni Bombo International Correspondent Connie Leonardo nga adda idiay Turkey, sinuportaran ti United Nations iti nasao nga addang ket impalubosdan ikkatenen ti nagan a Turkey gapu ta maipada iti maysa a billit.
Segun ken ni Leonardo, saan a pakarikotan dagiti tattao iti pannakasukat ti nagan iti nasao a pagilian ta dakkel payen a tulong iti pannakasukatna ta nagbalindan a miembro iti UN.
Kinuna a nangnangruna a pakaapektaran dagiti tattao iti maipapan ti krisis iti ekonomia iti nasao a pagilian pakairamananen iti nangina a presyo ti produkto petrolyo.
Kabayatanna, kagiddan iti panagwaras ti kaso ti monkeypox iti intero a lubong ket addan ti maysa a kaso a nairekord idiay Turkey a maysa a turista ngem adda itan iti ospital nga agpapalaing isu a pagan-annaden ti health Ministry dagiti tattao tapno maliklikan ti nasao a virus kangrunaan ita a kaadu iti turista nga agpaspasyar iti nasao a pagilian.
