VIGAN CITY – Maysa ti nakemmeg idinto a naglibas dagiti lima a kakaduana a nagsusugal babaen ti naiwayat nga Anti-Illegal Gambling Operation idiay Barangay Calaoa-an, Candon City.
Nakemmeg ni Zaldy Ganabo, agtawen iti uppat a pulo ket maysa idinto naglibas da Lina Soliven, agtawen iti uppat a pulo ket tallo; Rowena Guzman, agtawen iti tallopulo ket uppat; Joan Ganabo, agtawen iti duapulo ket tallo; Susana Guzman, agtawen iti uppat a pulo ket dua; ken ti maysa a menor de edad nga agpapada a residente iti nasao a lugar.
Iti pannaki-uman ti Bombo Radyo Vigan ken ni PLTCOL. Ariel Celino, naaktuan dagiti suspek nga agaayam iti “Taltalbog” ngem nakalibas dagiti dadduma idi mapasungadanda dagiti pannakabagi ti linteg ngem mairamanda latta a makasoan.
Naala kadagiti suspek ti pusta a PHP350, maysa a set ti baraha ken sangwenda ti kaso a panaglabsing iti Presidential Decree 1602 wenno ti Anti-Illegal Gambling Act.
