--Ads--
VIGAN CITY – Nakemmeg gapu ti sugal ni Eduardo Natividad, agtawen iti uppat a pulo ket dua a taga-Pudoc East, Tagudin idinto a nakalibas ni Martin Natividad ken ni Samuel Natividad nga agpada a residente iti nasao a barangay pakairamanan dagiti sangapulo a saan pay nabigbig.
Nangiwayat ti Tagudin Police Station iti Anti-Illegal Gambling operation iti nasao a lugar a nakakemmegan ti nasao a suspek a naaktuan a makiay-ayayam iti Pusoy/Bisaya idinto a dagiti dadduma a kakaduana ket naglibas.
Naala iti nagsusugalan dagiti suspek ti braha ken pusta a PHP1,250 a naipanen iti Tagudin Police Station tapno maidalan iti husto a proseso.
Kaso a panaglabsing iti Presidential Decree 1602 wenno Anti-Illegal Gambling Act ti maipila a kaso kadagiti suspek.
-- ADVERTISEMENT --
