VIGAN CITY – Saan a maiparit nga agawid dagiti Overseas Filipino Worker ngem sigsiguraduen ti probinsia iti kinatalgedda nga agsubli a saanda a naapektaran iti covid-19.
Segun kenni Governor Ryan Luis Singson, tapno masigurado a natalged nga agawid dagiti OFW ket ma-hold da kadagiti border tapno makita iti dokumentoda no kumpleto ti 14 day quarantine-da idiay Manila ken negatiboda iti swab test tapno mapalubosanda nga agawid.
No man bilang nga awanan dagiti OFW iti test ket ma-isolate da tapno masigurado iti kinatalgedda iti panagsublida iti probinsia.
Kinunana pay nga adda iti bus a naipatulod para kadagiti agsubli nga OFW a mangitulod kadagiti ilida tapno makikammayet kadagiti Mayor para iti panagawidda. Kasta pay a kiniddaw ti gobernador iti tulong dagiti amin a sumrek iti probinsia a makkammayet ti provincial government tapno awan iti agbalin a parikot.
