VIGAN CITY – Mapalubosanen dagiti residente ditoy probinsia pakairamanan dagiti displaced workers, nastranded nga estudiante, nakaruar a pasyente iti ospital ken distressed OFW a makasubli ngem kasapulan a dumalanda kadagiti pagannurotan a maipatpatungpal.
No pay kasta ket kasapulan a dumalanda iti scanning protocol kadagiti border; ipakitada ti ID ken proof of residence; agperma iti declaration form ket rumbeng nga ikabilda iti pudno a kasasaadda ken dagiti nagapgapuanda a lugar.
Kalpasan iti dayta ket mapanda nga insigida iti LGU quarantine facility tapno agquarantine-da iti sangapulo ket uppat nga aldaw ken saanda a mabalin a rumuar no awan ti certification wenno pammaneknek a nakompletoda ti quarantine period.
Malaksid iti dayta ket adda ti ilatang ti tunggal LGU a lugan no dagiti agsubli a residente ket awan ti bukodda ken nailawlwag a dagiti gangannaet nga umay bumisita ditoy probinsia ket saanda pay laeng a mapalubosan a sumrek.
