--Ads--
Natalged dagiti karaman iti aksidente iti General Luna Street, Barangay III, Vigan City, Ilocos Sur.
Karaman iti aksidente ti maysa a trak a minaneho ti maysa a lalaki nga agtawen iti duapulo ket siam, construction worker, taga-Salindeg, Vigan City.
Ti met bus ket minaneho ti lalaki nga agtawen iti limapulo ket pito, taga-Barangay Ayudante, Candon City.
Nakaparking ti trak iti abagatan a paset ti kalsada idinto nga agpapadaya ti bus.
-- ADVERTISEMENT --
Saan a natantya ti bus ti panang-overtake-na iti trak nga isu ti rason no apay a nadungparna ti kannigid a pasetna.
Nadadael ti kannigid a paset ken rear end ti trak idinto a ti bus ket nagasgasan ken napitput ti front fender-na agingga iti likudan nga amin ket adda iti kannawan a paset ti lugan.
