Tallo ti nadunor iti napasamak nga aksidente idiay Barangay San Jose, Candon City, Ilocos Sur.
Nabigbig ti nagmaneho iti Honda Beat motorcycle a ni Julius Bautista Viernes, agtawen iti duapulo ket siam, kinalubbonna ni Hadji Salingbay Vitales, agtawen iti duapulo ket lima, agpada a taga-Barangay Lopez, Banayoyo.
Ti met Honda Click motorcycle ket minaneho ni Jan Jervy Rafael Orpilla, agtawen iti duapulo ket pito, taga-Barangay Lopez.
Agpapa-amianan dagiti dua a motorsiklo idin ta nasagid ti Honda Click ti Honda Beat a motorsiklo iti amianan a paset ti kalsada.
Gapu dayta, nadunor dagiti dua a drayber ken maysa a backride ket naipaagasda iti ospital para iti naan-anay a pannakatamingda.
Agpapada a nakainom ken awan ti helmetda dagiti karaman idi mapasamak ti aksidente.
