Panagsapul ti Bureau of Immigration kenni dismissed Mayor Alice Guo ken ti kabsatna, agtultuloy

Impasigurado ti Bureau of Immigration (BI) nga agtultuloy iti panangsapulda ken ni Dismissed Mayor alice Guo ken ti kabsatna a ni Wesley.

Daytoy ket kalpasan a napagawid ti kabsat ni Alice a ni Shiela; ken Cassandra Li Ong a nainaig iti Lucky South 99 POGO hub idiay Porac, Pampanga.

Segun ken ni BI spokesperson Dana Sandoval – iti agdama adda dagiti indikasion nga adda pay laeng ni Alice idiay Indonesia.

Patiendati BI a masapulanda ni Alice ken Wesley tapno maisublida ditoy pagilian.

Maibasar iti imbestigasionda, rumrummuar a posible a dagiti agkabsat a da Guo ken ni Ong iti naggigiddan a naglibas iti pagilian kas maibasar iti luggage tag ken travel history.