VIGAN CITY- Agtultuloy iti panagsagana ti Commission on Elections para ti midterm elections inton umay a tawen iti laksid nga adu dagiti agwarwaras a damag a saan a maituloy tapnu matratar a naimbag iti referendum para iti panagbaliw iti sistem iti gobiyerno nga agturong ti pederalismo.
Ti pannaki-uman ti Bombo Radyo Vigan ken ni Comelec spokesman James Jimenez, inbaga na nga agingga nga awan iti pormal a paka-ammo iti gobierno inaig iti pannakaisanud iti midterm elections ket agtultuloy iti panagparehistro ken dadduma pay a panagsagaba da para ti nasao nga eleksyon.
Inpatangken na nga agduma iti timetable para ti referendum ken pannakaisayangkat ti midterm election isu a patien na a saan a maapektaran iti maidurduron a panagbaliw iti sistema ti gobierno iti panagsagana da.
Immunan nga inbaga ni House Speaker Pantaleon Alvarez a napinpintas nu maisanud iti eleksyon inton umay a tawen tapnu matutukan dagiti agpanpanday-linteg iti panangadal iti draft ti federal constitution.
